Sunday, May 21, 2006

ராகுல் திராவிட் - பங்கு முதலீட்டுத் தத்துவம்


குப்புசாமி செல்லமுத்து

இந்திய கிரிக்கெட் அணியின் கேப்டன் ராகுல் திராவிட் ஒரு கனவு நாயகன். எண்ணற்ற இளம் பெண்களுக்கு மாத்திரம் அல்ல, வளர்ந்து வரும் வீரர்கள், ரசிகர்கள், வர்ணனையாளர்கள் என அனைவருக்குமே ராகுல் ஒரு ரோல் மாடல். இந்தியன் ஓவர்சீஸ் வங்கியில் பணியாற்றும் நண்பரது நண்பர் ஒருவர், தான் இந்தியன் சிமெண்ட் நிறுவனத்திற்காக கிரிக்கெட் ஆடிய போது திராவிட் உடனான தன் நினைவுகளைப் பகிர்ந்து கொண்டார்.

"இன்னமும் அப்படியே தான் இருக்கான். மத்த பிளேயர்ஸ் பத்தி தப்பாப் பேச மாட்டான். அவன் உண்டு அவன் கேம் உண்டுன்னு இருப்பான். கிரிக்கெட் பத்தி தான் அவன் நெனப்பெல்லாம். வெரி டெடிகேட்டேட் ஃபெல்லோ. அந்த குவாலிட்டி தான் இப்ப இவ்வளவு தூரம் கொண்டு போய் விட்டுருக்கு"

பங்கு முதலீட்டாளர் என்ற வகையில் நாம் இந்த நாயகனிடம் கற்றுக் கொள்ள வேண்டியது ஏராளம். மகேந்திர சிங் தோனி, வீரேந்திர சேவாக் போல பரவசம், படுவேகம், அசுரத்தனமான அட்டாக் என எதையும் திராவிட்டிடம் காண இயலாது. இருப்பினும் மிக மிக வெற்றிகரமான பேட்ஸ்மேன் ராகுல். டெஸ்ட் போட்டிகளில் எதிரணிப் பந்து வீச்சாளர்களை அயரச் செய்து, களைப்படைந்த பின் வரும் நல்ல பந்துக்காகக் காத்திருக்க அவன் வெட்கப்படுவதே இல்லை.

டெஸ்ட் கிரிக்கெட் ஐந்து நாட்களுக்கு மட்டுமே ஆடப்படுவது. ஆனால் பங்கு முதலீடு ஆயுட்காலத்திற்கும் ஆடுகிற ஆட்டம். நாள் தோறும் காணும் பங்கு விலை 'ஆஃப் ஸ்டம்ப்' க்கு வெளியே வீசப்படும் பந்து போல. அடித்துத்தான் ஆகவேண்டும் எனப் பந்து நம்மைக் கட்டாயப் படுத்துவது இல்லை.

பெளலர்கள் களைப்படைந்து மோசமான பந்தோ அல்லது 'ஃபுல் டாஸோ' வீசும் போது சக்தி அனைத்தையும் ஒருசேரத் திரட்டி நடு மட்டையில் விளாசி அடித்து பவுண்டரியோ, சிக்ஸரோ சேர்த்துக் கொள்வது திராவிட் இன் வழக்கம். அந்த வகையில் நாம் எல்லாம் அதிர்ஷ்டசாலிகள். அவர் ஒரு பந்தில் அதிக பட்சமாக 6 ரன் தான் அடிக்க முடியும். நாமோ நமது சக்தி, பணபலம், மனபலம் இவற்றிற்கு ஏற்றவாறு எத்தனை கோடிகளை வேண்டுமானாலும் திரட்டி அடிக்கலாம். அதன் பின் மீண்டுமொரு 'ஃபுல் டாஸ்' பந்துக்காகக் காத்திருக்கலாம்.

ஒரு பந்தையோ அல்லது தொடர்ச்சியாக ஒரு ஓவரையோ ஆடாமல் விட்டாலும் பங்குச் சந்தையில் நீங்கள் விக்கெட் இழப்பதில்லை. தவறாக ஆடி கேட்ச் கொடுத்தால் ஒழிய யாரும் உங்களை அவுட் ஆக்க முடியாது.

லட்டு மாதிரி ஒரு பந்தைத் தவற விட்டாலும் பரவாயில்லை. காத்திருக்கலாம். ஆனால் அதைத் தவற விட்ட ஆத்திரத்தில் அடுத்த பந்திலேயே (யார்க்கர்) சிக்ஸ்ர் அடிக்க நினைக்காதீர்கள்.

ராகுல் பேட்டிங் போல முதலீடு செய்வது மிகச் சுலபம். ரசிகர்கள் சேவாக் இடம் எதிர்பார்ப்பது போல உங்களிடம் எதிர்பார்ப்பது இல்லை. பெரும்பாலும் எல்லா பரஸ்பர நிதி (mutual fund) நிறுவன நிர்வாகிகளுக்கு இந்தச் சுதந்திரம் இருப்பதாகத் தோன்றவில்லை. பந்துக்குப் பந்து, ஓவருக்கு ஓவர் இவர்கள் சக ஆட்டக்காரருடன் ஒப்பிடப் படுகிறார்கள். ரசிகர் கூட்டமும், அவர்கள் மேல் பந்தயம் கட்டியவர்களும் ஒவ்வொரு பந்திலும் சிக்ஸர் எதிர்பார்க்கிறார்கள்.

ஆக ராகுலாக இருப்பதில் அதிகச் சிரமம் இல்லை. அதே சமயத்தில் சுலபமும் இல்லை. உணர்ச்சியைக் கட்டுப் படுத்திக் கொண்டு நல்ல முதலீட்டு வாய்ப்பு வரும் வரை காத்திருப்பது பல பேருக்கு இயலாத காரியம். மறு முனையில் இன்னொரு பேட்ஸ்மேன் அடித்து ஆடினால் தானும் அடித்துத் தான் ஆகவேண்டும் என நினைக்கக் கூடாது. நம் எதிரி வேறு யாரும் இல்லை; நமக்குள் தான் இருக்கிறான்.

லாவகமாக வரும் பந்துகளில் அடிக்காமல் 'கட்டை' வைப்பது தவறு. ராகுல் இந்தத் தவறை அடிக்கடி செய்வதாகத் தெரியவில்லை. ஒரு ரன், இரண்டு ரன் கூட எடுக்க நினைக்கதீர்கள்.. go for the maximum.

சில சமயங்களில் 'நோ-பால்' பந்து ·புல்-டாஸ் ஆக அமைவது உண்டு. அதையெல்லாம் தவறவிட்டால் என்ன சொல்வது?

நீங்கள் ஆட்டமிழக்கும் பந்து (பங்கு) எது என்பது ஒரு வேளை உங்களுக்குத் தெரியாமல் இருக்கலாம். நிச்சயமாக அடித்து ஆடக்கூடிய பந்து எது என அடையாளம் காணச் சிரமம் இருக்காது. அதில் மட்டும் கவனம் செலுத்தினால் போதும்.

எவ்வளவு மோசமாக ஆடுகளமாக இருந்தாலும், ஐந்து நாள் போட்டியில் சுலபமாக ஆடக்கூடிய பந்துகள் ஐந்தையாவது எதிர் நோக்கலாம். அதே பாணியில், அவ்வளவு மோசமான பொருளாதாரச் சூழலிலும் ஒரு ஆண்டில் குறைந்த பட்சம் ஐந்து 'லட்டு' மாதிரி முதலீட்டு வாய்ப்புகளைப் பெறுவது நிச்சயம்.

"அது வரைக்கும் என்னால வெயிட் பண்ண முடியாது. ஐ வில் பிளே எவரி டெலிவரி" என தினம் தினம் வாங்கி விற்று உழன்று கொண்டிருந்தால், loose delivery கிடைக்கும் தருணத்தில் அடிப்பதற்குத் திராணி இல்லாமல் போய் விடும்.

சில சமங்களில் reverse sweep மாதிரியான அசாதாரண அடிகளை அடித்தாலும் பரவாயில்லை. ஆனால் அது நிச்சயமான ரன் பெற்றுத்தரும் எனத் தெரிந்திருக்க வேண்டும். அதுபோலத் தான் futures & options எனப்படும் 'தருவி'கள் (derivatives).

"டெய்லி டெரிவேட்டிவ் டிரேடிங் பண்ணாதீங்க அய்யா!! ஏன்னா நான் எவெரி பால் ரிவர்ஸ் ஸ்வீப் ஆடறது இல்லை" என்கிறார் திராவிட். கேட்கிறதா???

வளம் பெறுவோம்.

30 comments:

நன்மனம் said...

ஆகா... அருமையான வர்ணனை.

Kuppusamy Chellamuthu said...

நண்பர் சந்திரசேகரன் கிருஷ்ணன் இந்தப் பதிவு குறித்து INDIA NEXT வலைத் தளத்தில் தனது பின்னூட்டத்தைத் தங்திருந்தார். அது இங்கே...
//
I am first introduced to you tamil blog. It seemed very useful. Why dont you write a full fledged primer on Mutual funds, for novices like me ? Atleast a brief explanation about terms such as redemption, dividend option, growth option, how each works...

Chandrasekaran krishnan
krishchandru@gmail.com krishchandru@gmail.com
//

Suka said...

அருமை :)

வாழ்த்துக்கள்
சுகா

Suka said...

அருமை :)

வாழ்த்துக்கள்
சுகா

Anonymous said...

I guess you copied Benjamin Graham’s baseball logic here. You should not claim this is your own idea.

Sivabalan said...

நல்ல பதிவு!!

நன்றி!!

பொன்ஸ்~~Poorna said...

ஆகக் கூடி அடிச்சி ஆடக் கூடாதுங்கறீங்க.. ஓகே... :)

Vaa.Manikandan said...

சும்ம அடிச்சு தூள் கிளப்புங்க...

சொல்றவங்க ஏதாவது சொல்லிக்கிட்டே இருப்பாங்க!

Kuppusamy Chellamuthu said...

சிவபாலன், சுகா, நன்மனம் ஆகிய அனைவருக்கும் நன்றிகள்.

சந்திரசேகரன் கிருஷ்ணன் அவர்கள் கூறியது போல இனி வரும் காலங்களில் மியூச்சுவல் ·பண்ட் குறித்து ஆழமாக எழுதலாம். நேற்று பங்குச் சந்தையில் நடந்த இரத்தக் குளியலைப் பார்த்தபின் எத்தனை பேர் அந்தப் பக்கம் தலை வைப்பார்கள் எனத் தெரியவில்லை. சிதம்பரம் அனைவரையும் கூவிக் கூவி மீண்டும் அழைக்கிறார் :-)
-குப்புசாமி செல்லமுத்து

தேவ் | Dev said...

Nice Comparison Thanks:)

முத்து(தமிழினி) said...

அய்யா,

நன்றாக எழுதி உள்ளீர்கள். லூஸ் பால் என்பதற்கு கிரிக்கெட்டில் ஃபுல் டாஸ் முதற்கொண்டு பல உதாரணங்கள் உண்டு.

பங்கு வர்த்தகத்தில் லூஸ் பால் எது என்று சொல்லமுடியுமா?

Kuppusamy Chellamuthu said...

அனானி... பெஞ்சமின் கிரகாமிடம் நான் திருடியதாகச் சொல்வது, சிவாஜி கணேசனிடம் நடிப்பைத் திருடுவதற்குச் சமம். அவர் சொன்ன 'பேஸ் பால்' விஷயங்கள் எனக்குப் புரியாததாலும், நம் அனைவருக்கும் கிரிக்கெட் நன்கு அறிமுகமானதாலும் திராவிட் ஆட்டத்தை எடுத்துக் காட்ட நேர்ந்தது. அவ்வளவே..

-குப்புசாமி செல்லமுத்து

Kuppusamy Chellamuthu said...

பொன்ஸ்..... நல்ல பந்துன்னு உங்களுக்குத் தெரிஞ்சா மட்டும் அடிச்சு ஆடுங்க..

பின்னூட்டத்திற்கு நன்றி தேவ்.

-குப்புசாமி செல்லமுத்து

செல்வநாயகி said...

பங்குவர்த்தகம் பற்றி இப்போதுதான் கொஞ்சமேனும் படித்தோ, தெரிந்தவர்களிடம் கேட்டோ கற்றுக்கொள்ள நினைத்துக்கொண்டிருந்தேன். உங்கள் விளக்கங்களும், எழுதும் நடையும் கவர்கின்றன. நன்றி.

Kuppusamy Chellamuthu said...

வருகைக்கு நன்றி செல்வநாயகி.

தமிழினி அவர்களே!! பங்குச் சந்தையில் 'லூஸ் பால்' நிறையவே வீசப்படும். அதைக் கண்டறிவது மட்டுமல்லாமல் அவற்றை விளையாடுவதும் அவரவர் திறமை சார்ந்தது. There is no standard formula for everyone. Different folks; different strokes. இருப்பினும் சில நேரம் அப்பட்டமாக சில ·புல் டாஸ் கிடைக்கும். இந்த ஆண்டு ஆரம்பத்தில் நடந்த reliance demerger மாதிரி.. மற்ற படி எல்லா லூஸ் பால் குறித்து எழுத தனியாக ஒரு பதிவு போடலாம்.. நிறைய எழுத வேண்டி வரும். உங்கள் கேள்விக்கு சரியான பதிலா இது எனத் தெரியவில்லை முத்து.

முத்து(தமிழினி) said...

//லூஸ் பால் குறித்து எழுத தனியாக ஒரு பதிவு போடலாம்.. நிறைய எழுத வேண்டி வரும். உங்கள் கேள்விக்கு சரியான பதிலா இது எனத் தெரியவில்லை முத்து. //

எல்லொரும் சரியான பதிலா தந்துகிட்டு இருக்காங்க.பத்து பக்கம் விருவிருண்ணு எழுதினா ஆச்சு.விடுங்க சார்:)

அதாவது ஷார்ட் பிட்ச் பால்னு நினைச்சுகிட்டு hook பண்ண போனா பால் பவுன்ஸ் ஆகி நெத்திய தாக்குது...அதான் கேட்டேன்..

மற்றபடி எதுவெல்லாம் லூஸ் பால் எனப்படுவது பற்றி ஒரு பதிவுதொடர் நீங்கள் போட்டால் எனக்கு மட்டுமல்ல எல்லொருக்கும் பலனளிக்கலாம்.

பரஞ்சோதி said...

ரொம்ப நல்லாவே எழுதியிருக்கீங்க, படிக்க சந்தோசமாக இருக்குது.

தொடர்ந்து எழுதுங்க.

ஆனா பாருங்க, நான் ஆடும் போது டிராவிட் மாதிரி ஆடணும், பார்த்து ஆடணுமுன்னு தான் உள்ளே இறங்குவேன், ஆனா போகும் போதே சொல்லுவாங்க, போன உடனே ஒரு காட்டு காட்டுன்னு, சில சமயம் பவுலர் காட்டு காட்டிடுவார், நான் மொகத்தை காட்ட முடியாம திரும்பி வருவேன் :)

பரஞ்சோதி said...

முத்து, நிறைய விழுப்புண்்கள் வாங்கியிருக்கிறார். அதான் அனுபவம் பேசுது :)

Kuppusamy Chellamuthu said...

//
அதாவது ஷார்ட் பிட்ச் பால்னு நினைச்சுகிட்டு hook பண்ண போனா பால் பவுன்ஸ் ஆகி நெத்திய தாக்குது...அதான் கேட்டேன்..
//

இனியவரே தமிழினி, ஒன்னு சொல்லட்டுமா?? 100 ரூபாய் அதிகமாவதால் கிடைக்கும் ஆனந்தத்தை காட்டிலும், 10 ரூபாய் குறைகிற பங்கு தரும் சோகம் அதிகமானது. Behavioural finance பற்றிப் படித்துத் தெரிந்ததை விட நானாக அனுபவித்து உணர்ந்த உண்மை இது.

முதன் முதலில் முதலீடு செய்த காலத்தில் 100 நஷ்டம் தந்த சோகம் இன்றைய இலட்ச ரூபாய் லாபத்தை விட அதிகம் என்பதை நான் முழுமையாக உணர்கிறேன் (100 & இலட்சம் என்பன ஒப்புமை எண்ணிக்கைகள்). இழப்புகள் வருவதைத் தாங்கிக் கொள்ள, அதிலிருந்து கற்றுக் கொள்ள நிறைய அவகாசமும், அறிவார்ந்த பயிற்சியும் தேவைப்படலாம்.

பரஞ்சோதியைப் போலவே நகைச்சுவயாக நீங்களும் சொன்னாலும் அதில் இழையாடும் உள்ளார்ந்த சோகம் அறிகிறேன். 'அப்படில்லாம் இல்ல'ன்னு பொய் சொல்லாதீங்க.

இடையிடையே நிறைய ஆங்கிலம் சேர்த்து எழுதுகிறேன். anyhow.. beware that investment is a process & not an event.

பரஞ்சோதியாருக்கும் இதே தான். நம்முடைய எதிரி வேறு எங்கும் இல்லை; நமக்குள் தான் இருக்கிறான். வேறு யாரோ எதோ பங்குகளை வாங்குகிறார்கள் அல்லது விலை ஏறுகிறது என்பது மட்டுமே நமது முடிவின் மூலமாக அமையக் கூடாது.

x + y = z மாதிரி சுலபமான வாய்ப்பாடு எல்லாம் இங்கே இல்லை. அப்படி இருந்தால் கணிப்பொறியில ஒரு புரோக்ராம் எழுதி ஷேர் மார்க்கெட்ல பெரிய ஆள் ஆகிரலாமே!!.

சரி விடுங்க.. போகப் போக நிறையப் பேசலாம்..

ராபின் ஹூட் said...

//அதாவது ஷார்ட் பிட்ச் பால்னு நினைச்சுகிட்டு hook பண்ண போனா பால் பவுன்ஸ் ஆகி நெத்திய தாக்குது...அதான் கேட்டேன்..//

முந்தா நாள் வாங்கின அடியை முத்து இன்னமும் மறக்கலேன்னு நினைக்கிறேன்.

:)))

Kuppusamy Chellamuthu said...

முத்து அடி வாங்கினது ஊருக்கே தெரிஞ்சிருச்சு போல இருக்கு.. :-) அதான் ஒடம்பு ரணகளமாயிருச்சுனு சொன்னாரா?

ஒரு கொசுறுச் செய்தி: 20 இலட்சம் கோடி 'மார்க்கெட் கேப்' ஆவியாகிருச்சாம். எங்க ஆபீசில கொஞ்சம் பேர் தத்துவமெல்லாம் பேச ஆரம்பிச்சுட்டாங்க.

ராபின் ஹூட் said...

ஒரு லட்ச ரூபாய் காணாமப் போச்சுன்னு நினைச்சுக்கிட்டு, பங்கு வர்த்தகத்தில் முதலீடு செய்ய பணத்தை ஒதுக்கி வைத்திருக்கிறேன்.
இன்னைக்கு மார்கெட் 500 புள்ளி சரியும், டார்கெட் பண்ணிண பங்குளை கொஞ்சம் வாங்கலாம் என நினைத்திருந்தேன். மார்கெட் ஏறி என்னைக் கவுத்திடுச்சி.
திராவிட் போல ஒரு நல்ல பந்துக்காகக் காத்திருக்கிறேன்.

ஆமாசார், நீங்க சிட்டி பேங்குல வேல பாக்குறதா இந்தப் பசங்கல்லாம் சொல்றாங்களே? சிட்டி பேங்குல் எங்க? மவுண்ட் ரோட்லேயா? சக்தி டவர்ஸ்லேயா?(வடிவேலு ஸ்டைலுல படிக்கவும்)

நாகை சிவா said...

நல்ல பதிவு. ரசிக்கும் படி எழுதியுள்ளீர்க்கள்.

ஹரி said...

மிக அழகாக எழுதுகிறீர்கள் . மகளிர் பத்திரிக்கைகள் கூட பங்குச் சந்தையில் ரூபாய் முதலீடு செய்ய அறிவுறை செய்த போதே அனைவரும் முழித்திருக்க வேண்டும் . :-)

அமர்களம் அடங்கிய பிறகும் உங்கள் சேவையை தொடர வாழ்த்துக்கள் .

Kuppusamy Chellamuthu said...

//
ஒரு லட்ச ரூபாய் காணாமப் போச்சுன்னு நினைச்சுக்கிட்டு, பங்கு வர்த்தகத்தில் முதலீடு செய்ய பணத்தை ஒதுக்கி வைத்திருக்கிறேன்.
//
ராவின் ஹ¤ட்.. காணாமப் போச்சுன்னு எல்லாம் நினைச்சுக்கிட்டு வாங்காதீங்க ப்ளீஸ். அதே மாதிரி ஒரு இலட்சத்தையும் ஒரேயடியாக முதலீடும் செய்யவும் வேண்டாம். குறைந்த பணத்தை வைத்து வெள்ளோட்டம் பார்த்த (திறமையைச் சோதித்த பின்) பின், சிக்ஸர் அடிக்கலாம். அதுக்கு முன்பே கொஞ்சம் விஷயங்களைத் தெரிந்துகொண்டு இறங்குவது நலம். சில நிபுணர்கள் பங்குச் சந்தை சில மாதங்களுக்கு (if not வருடம்) மந்தமாகவே இருக்கும் எனக் கருதுவதாகத் தெரிகிறது. 500 புள்ளி குறைந்தால் மறுபடியும் ஏறும் என்பதற்கு எந்த உத்திரவாதமும் இல்லை.

சிட்டி பேங்கில் எல்லாம் நான் வேலை செய்யவில்லை. ஒரு கணிப்பொறி நிறுவனத்தில் குப்பை கொட்டுகிறேன். எந்த நிறுவனம் என்பதை மின்னஞ்சலில் பரிமாறிக்கலாம்.

வடிவேலு ஸ்டைலுல படிச்சா சிரிப்பாத்தான் இருக்கு.

Kuppusamy Chellamuthu said...

தாங்கள் அளிக்கும் ஊக்கத்திற்கு நன்றி நாகையாரே. மகிழ்ச்சி கிடைக்கிறது.

//மகளிர் பத்திரிக்கைகள் கூட பங்குச் சந்தையில் ரூபாய் முதலீடு செய்ய அறிவுறை செய்த போதே அனைவரும் முழித்திருக்க வேண்டும் . :-)//
ஹரி.. பங்குகளில் முதலீடு செய்வது தவறெல்லாம் இல்லை. அதன் விலையை மட்டும் பார்க்காமல், கொடுக்கிற காசுக்குத் தகுந்த மதிப்பு அதனிடம் இருக்கிறது என்று ஆராய்ந்து பார்க்கவும் வேண்டும். அதே மாதிரி 2 மாதம் 6 மாதத்தில் 30% லாபம் கிடைக்க ஆசைப் படுவதும் தவறு. 'அளவுக்கு மீறிய ஆசை' பதிவைப் பாருங்கள். warren Buffett once said, "if you hold a stock that is not worth holding for 10 years, you probably should not hold it for 10 mins". அவ்வளவு இல்லாவிட்டாலும் 5 வருட நோக்கிலாவது முதலீடு செய்யலாம். 5 வருடத்தில் 15% உயர்ந்தால் நமது பணம் இரட்டிக்கும். 'ரிஸ்க் ·ப்ரீ ரிட்டன்' ஐ விட இது அதிகம் தானே?

பொன்ஸ்~~Poorna said...

'மார்க்கெட் கேப்'னா என்னங்க??

Kuppusamy Chellamuthu said...

'மார்க்கெட் கேப்' எனப்படுவது யாதெனில், market capitalisation :-)

பங்கு விலையின் அடிப்படையில் நிறுவனத்தின் மொத்த மதிப்பு.ஒரு இலட்சம் பங்குகள் மொத்தம் உள்ள ஒரு நிறுவனத்தில் ஒரு ஷேர் ரூ100 என்ற கணக்கில் அதன் மதிப்பு ஒரு கோடி. இதான் market cap.

இன்னும் சுலபமாகச் சொன்னால், பங்கு விலையை ஒட்டி நீங்கள் ஒட்டு மொத்த கம்பெனியை வாங்கினால் கொடுக்க வேண்டிய தொகை.

பொன்ஸ்~~Poorna said...

gap என எண்ணி குழம்பி விட்டேன்.. எனினும் cap விளக்கம் அருமை :)

s said...

i just read your article on 14/12.2007,first credit goes to
ananda vikatan ,i am a beginner of
share trading your article is very
usefull to me .thanks ®ards
yesrameshu